أكل الطفل الرضيع المسموح....والممنوع

السلام عليكم ورحمة الله وبركاته


كيفكم وكيف كتاكيتكم !!




حبيت اضيف الموضوع هذا لاني لاحظت ان فيه مواضيع كثيرة تتكلم عن اكل الأطفال الرضع بس فيه كثير من الاخطاء اللي تقع فيها الأمهات بدون قصد .. والاخطاء هاذي ممكن مايكون لها أثر الا بعد مرور فترة .. يعني اعطاء الطفل نوع معين من الأكل اللي مايناسب سنه ممكن يسبب له بعدين اي نوع من الحساسية ..
وعلشان نتجنب الحاجات هاذي راح احط قائمة بالأكل الممنوع والمسموح وسبب المنع .. وأي وحدة تدخل وعندها اضافة تضيفها علشان كلنا نستفيد من بعضنا
يلا نبتدي::::


حليب الأبقار:
الحليب البقري المفروض ماياخذه الطفل قبل عمر سنه .. أولا لانه صعب الهضم وثانيا لانه لايحتوي على كمية كافية من المعادن اللي يحتاجها الطفل ومنها واهمها الحديد .. يعني بس حتنفخي البيبي على الفاضي

الزبادي:
مع ان الحليب البقري ممنوع, ممكن نعطي الطفل بعد عمر 7 او 8 شهور زبادي بس بشرط يكون سادة يعني مايكون مضاف اليه فواكه لان الزبادي اللي عليه فواكه غالبا مايكون مضاف له سكر والسكر مو كويس للبيبي.. وكمان المفروض يكون الزبادي كامل الدسم.. اعطاء الطفل زبادي قليل الدسم خطأ كبير تقع فيه كثير من الامهات .. لايعطى الطفل قبل عمر سنتين حليب او اي حاجة من مشتقاته قليل أو منزوع الدسم ..

السكر والملح:
لاتضاف ابدا لأكل الطفل .. بعض الأمهات تضيف سكر علشان البيبي يتقبل الأكل وهذا طبعا غلط

العسل:
ودا أخطر حاجة.. المفروض ما نعطي الطفل قبل مايكمل سنه .. السبب: لوجود احياء دقيقة تسبب تسممات غذائية خطيرة.

الحمضيات:
داخل فيها البرتقال والطماطم مش ممنوعة ولا مسموحة <<< فهمتوا حاجة؟؟
اللي اقصده ان الكثير يفضلون تجنب البرتقال وغيره من الحمضيات قبل عمر 7 شهور لانه قد يسبب الاسهال أو الحساسية أو طفح جلدي وخصوصا في منطقة البامبرز <<< دي مش مقتنعة فيها بس ترجمتها من أكتر من موقع اجنبي طبي..
بس لو جربتيها مع طفلك وماتحسس منها توكلي على الله وكملي لان الحمضيات غنية بفايتمين سي

البيض:
البيض لايعطي قبل عمر سنة.. ولكن ممكن تعطي بيبي بعمر7 او 8 شهور شوية من صفار البيض واخلطيه مع شوية ماء او حليب او اي سائل علشان مايلصق في سقف الحلق
ولكن بياض البيض لايعطى بتاتا البته <<يفضل على كذا لبعد عمر سنه. السبب: قد يسبب حساسية.

الجزر:
الكثير يفضل تجنب الجزر والسبانخ الى بعد عمر 8 شهور لوجود النترات فيه ..
بس في دكتورة قالت الجزر اللي في العلب (اكل الاطفال) نسبة النترات فيه اقل من الجزر الطبيعي الفريش ..

العصيرات:
يجب ان تكون طبيعية 100% ولاتتجاوز ال 100 مل في اليوم ..

السبب: السؤال تشبع البيبي بسرعة وفائدتها أقل من لما تكون فواكه صحيحة

وحنروح اللحين للمسموح:
سيريلاك بالأرز لعمر أربعة شهور
تفاح
موز
كمثرى
المشمش
الخوخ
افوكادو كويس بس ماتكتري منه لانه دهني
بطاطا حلوة
كوسة
بسكوت مذوب في ماء دافي
بس بكمية قليلة
تنويع في الاكل



واذا عندكم اي اضافات لكلامي ياريت نفيد بعض